قصيدة العدالة العمياء للشاعر هيثم دبور

الخلق قاعدة مسهّمة
وصوت خفيف
وتمتمة
حاجب بينده «محكمة»
يعلن على القاعة السكون
بكلمة منك بينشرح قلب العليل
تتعوض الأم اللى تبكى ابنها ساعة الرحيل
وينخلق عالم جديد
إيه اللى بيخلى القضاة
تنطق كلام أخرس
يا أبوالميزان يا أعمى
فتحت عينك ليه
مين ميل الكفّة
ظلمك خلاص كفّى
وزاد وعشش فى القلوب
كل الشعوب..
ساعة ما تخرج فى الميدان
شايلة الميزان
هنقول على الظلم السلام