| 0 التعليقات ]
وقت أما دُرجُه بينفتح
وإيديه تشاور إنه عايز كام جنيه
وسنانه صافرة فى ابتسامة ملونة
بيقول بنبرة مسكنة
«رمضان كريم»
ساعة أما كان يكسر عليّا فى الطريق
أو يرمى بوزه بفتونة
وقت أما يأخد دورى من جوّة الطابور
لحظة ما بنجيب الياميش
ولما يتظاهر بإنه مزقنيش
عقرب ساعاته مدفعه
فى جملة واحدة بتنفعه
متكررة
يجى ألف مرة يلوكّها
«رمضان كريم»
بس الأكادة إنى فى ساعة اضطرار
بلاقينى بتجاوب معاه
وأتمنى لو ألقاه فى طريقى..
مرّة من بعد الفطار

0 التعليقات

إرسال تعليق