| 0 التعليقات ]
ليه صوتى منحاش وأنا اللى ندايا حرركم
ليه قلبى مسجون وأنا اللى بدك أسواركم
ليه نجمى مكسوف وأنا اللى بقيد فى أنواركم
هى كده قسمتى
شايل لأوزاركم
مستعليين بالرتب.. وأنا اللى رافعها
متشدقين بالخطب.. مين اللى سامعها
يا ناسينى ساعة الغضب أنا روحى بايعها
كلامى ده مش عتب
لكن بحذركم
كل اللى داق الأسى لسه الميدان عنده
أرواحه مش يائسة ولا حاجة هتعانده
هو اللى مات يتنسى علشان تعيش بعده؟!
الدم ده مش هدر
تاره يفكركم
ليه تخونونى وأنا اللى لعهدكم آنى
أنا الشوارع هنا تتسمى أوطانى
قسما برب السما لراح أعود تانى
أنا أصلى مش عسكرى
مأمور بأوامركم

0 التعليقات

إرسال تعليق