| 0 التعليقات ]
يبقى الحال كما هوَ عليه
و المُتضرر ؟
يعمل ثورة
ثورة بجـد
ميسَلمش دماغه لحـد
و اللى يقوله هاشيلها أمانه
عداد عُمره هيبدأ عَــد

ثورة مفيش لطريقها رجـوع
ثورة متعرفش الممنوع
و اما يزيدوا البغبغانات
صوتها و بس يكون مسموع

ثورة و مفيهاش جنـة و نـار
و لا فيها المهدى المختار
قلبك لو كان هو دليلك
عمرك ما ف لحظة هتحتار

ثورة متظلِمش اللى يصونها
ولا تِقبَل ب برئ ف سجونها
ولا تِسمـح لغريب يتحكّم
و تقول آسف للى يخونها !!

ثورة و شايله ملامح بُكـره
مش أشباح العهد الماضى
ثورة تقولك خليك أحسن
مش بتشدك تِفضل عادى

المتضرر ..
يعمل ثورة
ثورة بجــد
ثورة و لو يرويها الدم
ثورة بدعوة مليون أُم
يحرق كل مراكب خوفُـه
و تفضل مصر ف قلبه الحلــــم

0 التعليقات

إرسال تعليق